Atyraý-Oral trassasynan Inderborǵa baratyn 7 shaqyrym joldy sý basty

<p>ATYRAÝ. KAZINFORM &ndash; Atyraý-Oral trassasynan Inder aýdanynyń ortalyǵy &ndash; Inderbor kentine baratyn 7 shaqyrym joldy sý basty.</p>

Inder aýdanynyń ákimi Daryn Shamuratovtyń aıtýynsha, 8 mamyrdan beri atalǵan jol bóliginiń jıegine topyraq tógilip, bóget turǵyzylǵan.

«Qazir jol eki jaǵynan da jabyldy. Kólik qozǵalysy tolyqtaı toqtady. Jolǵa 5-6 saıdan sý quıylyp jatyr. Osyǵan deıin joldyń jıegine topyraq tógip, bógegen edik. Biraq, topyraqpen sýdy ustap turý óte qıyn», -dep habarlady Daryn Shamuratov.

Onyń aıtýyna qaraǵanda, 1993-1994 jyldary dál osy joldy sý shaıǵan.

«Turǵyndar tarapynan «Jol qashan ashylady?» degen saýal týyndap otyr. Dál qazir joldyń qashan ashylatynyn aıta almaımyz», -dedi Daryn Shamuratov.

Eske sala ketelik, budan buryn sý tasqynyna baılanysty Atyraý-Oral trassasynan Inderborǵa baratyn 7 shaqyrym jol jabylatynyn habarlaǵan edik.