Atyraý óńirinen shyqqan jyraý, aqyn, jazýshylardyń týyndylary aýdıonusqada oqyrmanǵa jol tartty

<p>ASTANA. KAZINFORM - Aqparattyq tehnologııa damyǵan dáýirde aýdıokitaptar úlken suranysqa ıe ekeni málim. &laquo;Atyraý tolqyndary&raquo; dep atalatyn jańa joba atalmysh keńistikte qazaq tildi kitaptardyń sanyn arttyrýda.</p>

Atyraýlyq oqyrmandarǵa jobanyń jalpy tanystyrylymy bolyp ótti. Bıylǵy jyly otyzǵa tarta aýdıokitap jarııalanatyn bolady.

Foto: Atyraý oblysy ákimdigi

Atyraý oblysy ákimdiginiń qoldaýymen, oblystyq Mádenıet jáne tilderdi damytý basqarmasynyń uıymdastyrýymen júzege asqan joba aıasynda Atyraý óńirinen shyqqan kórnekti jyraýlar, aqyndar men jazýshylardyń shyǵarmalaryn ınternet platformaǵa ornalastyrylýda.

Foto: Atyraý oblysy ákimdigi

Qaztýǵan Súıinishuly, Mahambet, Murat Móńkeuly, Marat Otaralıev, Farıza Ońǵarsynova, Tabyldy Dosymov bastaǵan aqyn-jyraýlardyń týyndylary, Á. Sársenbaev, E. Dombaev, I. Jaqanov, M. Qulkenov, N. Qamı, M. Májıtov, B. Sármekova sekildi belgili prozaıkterdiń shyǵarmalary kásibı stýdııada joǵary sapada jazylyp, tyńdarmanǵa jol tartty.

Foto: Atyraý oblysy ákimdigi

Aldaǵy ýaqytta ádebı týyndylardan bólek, pýblıtsıstıkalyq, tanymdyq dúnıelerdi qalyń oqyrmanǵa tanystyrý josparda tur.

Foto: Atyraý oblysy ákimdigi