Atyraý oblystyq bilim basqarmasynyń basshysy taǵaıyndaldy
Atyraý oblysy ákimi baspasóz qyzmetiniń málimetinshe, Marat Álmenuly H.Dosmuhamedov atyndaǵy Atyraý memlekettik ýnıversıtetin shetel tili, Batys Qazaqstan ınjenerlik-gýmanıtarlyq ýnıversıtetin quqyqtaný mamandyǵy boıynsha bitirgen. Memlekettik basqarý akademııasynan magıstr dárejesin alǵan.
Eńbek jolyn bilim salasynda ustazdyq etýden bastaǵan. 1999-2004 jyldary Qyzylqoǵa aýdanyndaǵy H.Dosmuhamedov atyndaǵy orta mekteptiń muǵalimi bolǵan. 2004-2005 jyldary Qyzylqoǵa aýdandyq bilim berý bóliminde, 2005-2008 jyldary aralyǵynda Qyzylqoǵa aýdany ákimi apparatynyń uıymdastyrý-kadr jáne memlekettik-quqyqtyq jumystar bóliminde bas maman bolyp jumys istegen.
Al, 2008-2011 jyldary Qyzylqoǵa aýdany ákimi apparatynyń jalpy bóliminde bólim meńgerýshisi, 2011-2017 jyldary Qyzylqoǵa aýdany ákimi apparatynyń basshysy, 2017-2022 jyldary Qyzylqoǵa aýdany ákiminiń áleýmettik máseleler jónindegi orynbasary laýazymyn atqarǵan.
2022 jyldan bastap búgingi taǵaıyndaýǵa deıin oblys ákimi apparaty basshysynyń orynbasary qyzmetin atqaryp keldi.
Eske sala ketelik, budan buryn Atyraý oblystyq bilim basqarmasynyń basshysy qyzmetinen ketkenin jazǵan edik.
Byltyrǵy shildede taǵaıyndalǵan Erlan Slambekov bul laýazymdy bıylǵy naýryzǵa deıin atqardy.
«Osydan 7 aı buryn Atyraý jerine tyń ıdeıa, ómirsheń jobalarymmen qadam basyp edim. Jeti aı kóp te, az da emes. Osy aralyqta talaı qıyndyqpen betpe-bet kelip, jaǵymdy jańalyqtarmen bólistim. Mańyzdy sheshimder qabyldadym. Oqý-aǵartý mınıstrligi júktegen mindetter aıasynda biraz jumys atqaryldy. Bilim deńgeıin kóterý, bilim berý uıymdarynyń jumysyn ońtaılandyrý maqsatynda birqatar jobalardy iske qostyq», - dep jazdy ol áleýmettik jelidegi paraqshasynda.