Atyraý oblysynyń jylý berý maýsymyna daıyndyǵy – 97 paıyz

<p>ATYRAÝ. KAZINFORM &ndash; Atyraý oblysynda jylý berý maýsymyna daıyndyq jumystary 97 paıyzǵa oryndalǵan.</p>

Atyraý oblystyq energetıka jáne turǵyn úı-kommýnaldyq sharýashylyq basqarmasy basshysynyń orynbasary Jantas Ospannyń aıtýynsha, qazir 407 bilim berý mekemesi, 154 densaýlyq saqtaý nysany, kópqabatty 1741 turǵyn úı jylytý maýsymyna daıyn tur. 

«Bıyl 27,5 shaqyrym jylý jelisiniń 25,9 shaqyrymy kúrdeli jóndeýden ótti. Sonymen qatar, 6,4 shaqyrym sý jáne káriz jelileri qaıta jańartyldy. Al, «Atyraý Jaryq» AQ bıyl 742 shaqyrym elektr jelisine, 14 qosalqy, 76 transformatorlyq, taratý stansalaryna, joǵary volttik 50 transformatorǵa jóndeý jumystaryn júrgizdi», - deıdi Jantas Ospanov.

Onyń deregine súıensek, «Atyraý Jylý-Elektr Ortalyǵy» AQ 4 jylý agregatyna, 2 týrboagregatqa kúrdeli jóndeý jumystaryn josparlaǵan. Qazir 4 jylý agregattyń jáne 1 týrboagregatty jóndeý tolyq aıaqtalǵan. Al, týrboagregatty jóndeý 43%-ǵa oryndalǵan. 

Atyraý qalasyndaǵy Tulpar-1, Tulpar-2 turǵyn úı keshenderiniń jylý beketteri jylý berý maýsymyna daıyndal. Shahardaǵy 10 jylý berý stansasy jańartylylyp jatyr. 

Atalǵan turǵyn úı keshenderiniń jylý beketterine jańadan 3 jylý qazandyǵy, 2 jylý almastyrǵysh, 7 jylý aınaldyrǵysh ornatyldy. Endi birneshe kóshedegi osyndaı beketterdegi qurylǵylar jańartý kózdelgen. 

Eske sala ketelik, buǵan deıin Aqtóbe oblysy jylytý maýsymyna 98% daıyn ekeni habarlanǵan edi.