Atyraý oblysynyń jasóspirimderi 1 jylda 67 qylmys jasaǵan

<p>ATYRAÝ. KAZINFORM &ndash; Atyraý oblysyndaǵy jasóspirimderdiń byltyr 67 qylmys jasaǵany tirkelgen. Alaıda bul &ndash; aldyńǵy jylǵy kórsetkishten 9,4 paıyzǵa tómen.</p>

Atyraý oblystyq polıtsııa departamenti jergilikti polıtsııa qyzmeti basqarmasynyń aǵa ınspektory Oryngúl Kóshqalıevanyń jasóspirimder qaýipsizdigin qamtamasyz etý úshin «Túngi qaladaǵy balalar», «Jasóspirim», «Jasóspirim jáne jaýapkershilik» is-sharalary ótkizilgen. 

– Atyraýda 2024 jyly jasóspirimderdiń qatysýymen 67 qylmys tirkeldi. Jasóspirimder jıi urynatyn qylmystyń qatarynda urlyq, alaıaqtyq, buzaqylyq, zorlyq-zombylyq jáne esirtkimen baılanysty quqyq buzýshylyqtar bar. Túngi mezgilde balalaryn qaraýsyz jibergeni úshin 8 myńǵa jýyq ata-ana ákimshilik jaýapkershilikke tartyldy. Oıyn-saýyq oryndaryna kámeletke tolmaǵandardy kirgizgen 83 adamǵa, alkogol jáne temeki ónimderin satqan 171 kásipkerge tıisti shara qoldanyldy, -deıdi Oryngúl Kóshqalıeva.

Onyń deregine qaraǵanda, esirtki qylmysynyń beleń alǵany alańdaýshylyq týdyryp otyr. Esirtki zattaryn zańsyz saqtaý jáne satýmen aınalysqan 3 jasóspirim anyqtalǵan. 

– Internettegi esirtki jarnamasyn toqtatý úshin 270 saıt buǵattalyp, 100-den astam graffıtı joıyldy. Balalardyń qaýipsizdigi úshin bilim berý mekemeleri beınebaqylaý júıesine qosyldy. Bir jyl ishinde úıinen ketip qalǵan 76 bala tabylyp, ata-anasyna qaıtaryldy, -dep málim etti Oryngúl Kóshqalıeva.

Eske sala ketelik, buǵan deıin Balalardan jyn shyǵaratyn emshi buryn Atyraýdaǵy meshittiń kúzetshisi bolǵanyn jazǵan edik.