Atyraý oblysynyń veterınarlaryna 42 kólik berildi

<p>Atyraýda tórt túlikti juqpaly aýrýlardan saqtaý úshin aldyn alý, dıagnostıkalyq jumysyn udaıy júrgiztin veterınarlarǵa 42 kólik berildi. Al, kóp jyl jumys istegen veterınarlar &laquo;Aýyl sharýashylyǵy salasynyń úzdigi&raquo; atandy, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

Atyraý oblysy ákiminiń orynbasary Jasulan Bısembıevtiń aıtýynsha, buryn veterınarlardyń jalaqysy 100 myńnan 120 myń teńge aralyǵynda bolǵan. Qazir jalaqy 50 paıyzǵa ósip, 200 myńnan 400 myń teńge aralyǵyn quraıdy.
«El arasynda «medıtsına adamdy, veterınarııa adamzatty emdeıdi» degen támsil bar. Bul atalǵan salanyń mańyzdylyǵyn aıqyndap tur. Aımaqtaǵy veterınarııalyq stansalardyń mamandaryna oblystyq bıýdjet esebinen 42 jańa avtokólik satyp alyndy», -dedi Jasulan Bısembıev.
Atyraý qalasy men 7 aýdandaǵy veterınarııalyq stansaǵa berildi. Máselen, Qurmanǵazy aýdanyna 12, Qyzylqoǵaǵa – 6, Inder, Mahambet aýdandaryna – 5, Atyraý qalasyna, Isataı men Jylyoı aýdanyna – 4, Maqat aýdanyna 2 kólik bólindi.
Sondaı-aq, aýyl sharýashylyǵy salasynyń bir top úzdigi «Aýyl sharýashylyǵy salasynyń úzdigi» tósbelgisine ıe boldy. Onyń arasynda «Atyraý Et Ortalyǵynyń» quryltaıshysy Azamat Haırýllın, «Jarsýat» óndiristik kooperatıviniń mehanızatory Maksım Ótenov, «Qurmanǵazy» ÓK basqarma tóraǵasynyń orynbasary Altyn Ábýeva, «Qarasha» sharýa qojalyǵynyń jetekshisi Mánsııa Ábilqaıyrova bar.
Eske sala ketelik, budan buryn Atyraý oblysyna ózge óńirlerden kelgen mektep muǵalimderine páter berilgenin jazǵan edik.