Atyraý oblysynyń úsh turǵyny mal urlaǵany úshin sottaldy

<p>Atyraý oblysynyń úsh turǵyny mal urlaǵany úshin sottaldy. Sottalýshylardyń ekeýi 5,5 jylǵa bas bostandyǵynan aıyryldy. Al, úshinshisi jazasyn 3 jyl boıy shartty túrde óteıdi, dep habarlaıdy <a href="Kazinform." target="_blank" rel="noopener">Kazinform.</a></p>

Inder aýdandyq sotynda úsh sottalýshyǵa qatysty qylmystyq is qaraldy. Sottalýshylar D. men K.-ǵa, QR Qylmystyq kodeksiniń 188-1-baby 3-bóliginiń 1,2) tarmaqtarymen, al, Q.-ǵa 188-1-baby 2-bóliginiń 1) tarmaǵymen aıyp taǵylǵan.

«Sottalýshylar D. men K. aldyn ala sóz baılasqan adamdar toby bolyp, bótenniń aýlasyna kirip, birneshe ret mal urlaǵan. Al, Q. aldyn ala sóz baılasý arqyly bótenniń malyn óristen jasyryn jymqyrǵan. Sottalýshylardyń kinási is materıaldarymen tolyqtaı dálelin tapty», - dep habarlady aýdandyq sottan. 

Mal ıelerine 1 mln 700 myń teńge kóleminde zalal keltirilgen. 

Sot úkimimen sottalýshylar D. jáne K. QR Qylmystyq kodeksiniń 188-1-baby 3-bóliginiń 1,2) tarmaqtarymen kináli dep tanyldy. Olarǵa múlkin tárkilemeı, 5 jyl 6 aı merzimge bas bostandyǵynan aıyrý jazasy taǵaıyndaldy. 

Al, sottalýshy Q. QR Qylmystyq kodeksiniń 188-1-baby 2-bóliginiń 1) tarmaǵymen kináli dep tanyldy. Oǵan múlkin tárkilemeı, 3 jyl merzimge bas bostandyǵynan aıyrý jazasy taǵaıyndalyp, atalǵan qujattyń 63-baby qoldanylǵan. Onyń bas bostandyǵy 3 jyl merzimge shartty túrde shektelgen. Sot úkimi zańdy kúshine endi.

Eske sala ketelik, buǵan deıin Atyraý oblysynda jyl basynan beri 24 mal urlyǵynyń jartysy ǵana ashylǵanyn jazǵan bolatynbyz.