Atyraý oblysynyń úsh aýdanynda aýyz sý berý úsh táýlikke shekteldi

<p>Atyraý oblysynyń úsh aýdanynda aýyz sý berý ýaqyty úsh táýlikke shekteldi. Endi Qurmanǵazy, Isataı men Jylyoı aýdanynyń turǵyndaryna aýyz sý tańerteń, túste jáne keshke 2 saǵattan beriledi, dep habarlaıdy <a href="Kazinform." target="_blank" rel="noopener">Kazinform.</a></p>

Atyraý oblystyq energetıka jáne turǵyn úı-kommýnaldyq sharýashylyq basqarmasynyń basshysy Aıdýlat Kenjebekovtiń málimetinshe, mundaı shekteý qubyrdyń jańartylǵan ýchaskesin qosýmen baılanysty engizilip otyr. 

– «Magıstraldyq Sýaǵyzǵysy» JShS uzyndyǵy 151 shaqyrymdyq «Astrahan-Mańǵyshlaq» qubyrynyń ekinshi jelisi jobasynyń qurylysy aıaqtady. Osyǵan baılanysty qubyrdyń salynǵan ýchaskesin qosýǵa qatysty jumystar júrgiziledi. Sol sebepten, 1 jeltoqsanynan 72 saǵatqa sý aıdaý toqtatylady. Osy kezeńde tazartý qurylǵylaryndaǵy qoımalardyń sarqylyp qalmaýy úshin Isataı, Jylyoı jáne Qurmanǵazy aýdanynyń turǵyndaryna aýyz sýdy berý saǵattyq tártipke kóshiriledi, - dep habarlady Aıdýlat Kenjebekov. 

Endi atalǵan aýdan turǵyndaryna aýyz sý úsh mezgil beriledi. Naqtylaı aıtqanda, turǵyndar aýyz sýdy tańǵy saǵat 07:00-den 09:00-ge, túski saǵat 12:00-den 14:00-ge, keshki saǵat 19:00-den 21:00-ge deıin tutyna alady. 

– «Magıstraldyq Sýaǵyzǵysy» JShS jóndeý-profılaktıkalyq jumystardy belgilengen ýaqyttan buryn aıaqtaýdy kózdep otyr. Josparlanǵan jumys aıaqtalǵan soń aýyz sýdy qalypty jaǵdaıda beredi, - dep málim etti Aıdýlat Kenjebekov. 

 Eske sala ketelik, buǵan deıin Atyraýda áleýmettik mańyzy bar azyq-túlik baǵasyna qatysty arnaıy jıyn ótkenin jazǵan bolatynbyz.