Atyraý oblysynyń turǵyndary polıtsııaǵa 36 qarý men 76 oq-dári tapsyrdy
Atyraý oblystyq polıtsııa departamentiniń baspasóz qyzmetinen málim etkendeı, 22 sáýirden beri turǵyndardan zańsyz qarýlardy satyp alý aktsııasy ótip jatyr.
«Aktsııanyń maqsaty – túrli qylmys pen quqyq buzýshylyqtardyń aldyn alý úshin azamattardan zańsyz atys qarýyn, oq-dáriler men jarylǵysh zattardy satyp alý. Atyraý oblysynyń turǵyndarynan 36 atys qarýy men 76 oq-dári qabyldandy. Qazir tıisti qujattary jasaqtalyp jatyr. Memleket tarapynan óz erkimen qarý men oq-dáriler, jarylǵysh zattardy tapsyrǵan turǵyndarǵa 100 aılyq eseptik kórsetkishke deıingi mólsherde syıaqy beriledi. Óz erki qarý, oq-dáriler men jarylǵysh zattardy tapsyrǵan azamattar ákimshilik nemese qylmystyq jaýapkershilikten bosatylady», - dep habarlady departamenttiń baspasóz qyzmeti.
Eske sala ketelik, budan buryn Atyraýda jyl basynan beri qylmys jasaǵan 31 jasóspirim anyqtalǵanyn habarlaǵan bolatynbyz.