Atyraý oblysynyń taǵy eki aýdanyna jańa prokýror taǵaıyndaldy

<p>ATYRAÝ. KAZINFORM &ndash; Bas prokýrordyń buıryǵymen Atyraý oblysyndaǵy Jylyoı jáne Maqat aýdanynyń jańa prokýrorlary taǵaıyndaldy.</p>

Atyraý oblysy prokýratýrasynyń aqparatyna súıensek, Erkebulan Ermekov Jylyoı aýdandyq prokýratýrasyna jetekshilik etedi. 

Erkebulan Nurymuly 1987 jyly ómirge kelgen. Prokýratýra organynda eńbek ótili – 15 jyl. 

Eńbek jolyn Qyzylqoǵa aýdany prokýrorynyń kómekshisi bolyp bastap, aǵa kómekshisi, orynbasary bolǵan. Keıin Atyraý qalasy prokýratýrasynyń bólim bastyǵy, Atyraý oblysy prokýrorynyń kómekshisi, aǵa kómekshisi, Atyraý oblysynyń mamandandyrylǵan tabıǵat qorǵaý prokýrorynyń orynbasary laýazymdaryn atqarǵan. Osy taǵaıyndaýǵa deıin Atyraý oblysynyń mamandandyrylǵan tabıǵat qorǵaý prokýrory boldy.

Onyń synyptyq sheni – ádilet keńesshisi.

Maqat aýdanynda da jańa prokýror qyzmetine kiristi. Bas Prokýrordyń buıryǵymen bul laýazymdy Magılan Rahımov atqarady. 

Magılan Erkinuly jasy – 40-ta. Qadaǵalaý organynda 2007 jyldan beri jumys isteıdi. 

Qurmanǵazy aýdany prokýrorynyń kómekshisi, aǵa kómekshisi, Atyraý oblysy prokýratýrasynyń basqarma prokýrory, Qurmanǵazy aýdany prokýrorynyń orynbasary, Atyraý oblysy prokýrorynyń aǵa kómekshisi laýazymdarynda tájirıbe jınaǵan. Osy kezge deıin Qurmanǵazy aýdanynyń prokýrory laýazymyn atqaryp keldi.

Ádilet keńesshisi synyptyq sheni bar.

Eske sala ketelik, budan buryn Atyraý oblysynyń Reseımen shekaralas aýdanyna jańa prokýror taǵaıyndalǵanyn jazǵan edik. 

Sondaı-aq, Inder aýdanyna da jańa prokýror taǵaıyndaldy.