Atyraý oblysynyń seısmologııalyq kartasy jasalady

<p>ATYRAÝ. KAZINFORM &mdash; Atyraý oblysynyń seısmologııalyq kartany jasaqtaý josparlanyp otyr. Osyǵan baılanysty Seısmologııa ınstıtýtyna ótinim beriledi.</p>

Atyraý oblysy ákiminiń orynbasary Jasulan Bısembıevtiń aıtýynsha, seısmologııalyq karta qaýipti núktelerdi anyqtaý úshin qajet. Karta daıyn bolǵan soń seısmıkalyq qaýipsizdikti qamtamasyz etý úshin daıyndyq jumystary júrgiziledi.

«Bizdiń óńir seısmolgoııalyq qaýipti aımaqqa jatpaıdy. Soǵan qaramastan, oblys ákiminiń tapsyrmasyna oraı seısmologııalyq kartany, evakýatsııalaý pýnktterin daıyndaý jumystaryn qolǵa alýdy josparlap otyrmyz. Turǵyndarǵa mundaı pýnktterdiń meken-jaıy habarlanady. Óıtkeni óńir turǵyndary habarlandyrýlardy der kezinde alýy kerek», -deıdi Jasulan Bısembıev.

Onyń aıtýyna qaraǵanda, Atyraý – elimizde mol munaı óndiriletin eń iri óńir. Jer astyndaǵy tabıǵı baılyqty kóp alynatyn óńirlerde belgili bir deńgeıde seısmologııalyq qaýip týyndaýy múmkin.

Eske sala ketelik, budan buryn muz qalyńdyǵynyń birkelki emestiginen Soltústik Kaspııde ıtbalyqtardyń kúshikterine qaýip tónip turǵanyn habarlaǵan edik.