Atyraý oblysynyń Reseımen shekaralas aýdanyna jańa prokýror taǵaıyndaldy

<p>ATYRAÝ. KAZINFORM &ndash; Atyraý oblysynyń Reseı Federatsııasymen shekaralas Qurmanǵazy aýdanyna jańa prokýror taǵaıyndaldy. Bul laýazymdy Bas prokýrordyń buıryǵymen Abzal Sahıev atqaratyn boldy.</p>

Atyraý oblystyq prokýratýrasynyń málimetinshe, Abzal Smaǵululy 1983 jyly týǵan. Prokýratýra organyndaǵy jumysyn 2005 jyly bastaǵan. 

Ár jyldary Atyraý oblysyndaǵy Jylyoı aýdany prokýrorynyń kómekshisi, aǵa kómekshisi bolǵan. Keıin Atyraý qalasy prokýrorynyń kómekshisi, Maqat aýdany prokýrorynyń kómekshisi qyzmetin atqarǵan. 

Budan soń Atyraý oblystyq prokýratýrasynyń basqarma prokýrory, Jylyoı aýdany prokýrorynyń orynbasary, Atyraý qalasy prokýrorynyń orynbasary, Atyraý oblysy prokýratýrasynyń basqarma bastyǵy laýazymdaryn atqardy.

Osy taǵaıyndaýǵa deıin Atyraý oblysyndaǵy Inder aýdanynyń prokýrory qyzmetin atqaryp keldi.

Synyptyq sheni – ádilet keńesshisi.

Eske sala ketelik, budan buryn Atyraý oblysyndaǵy Maqat aýdanynyń ákimi taǵaıyndalǵanyn jazǵan bolatynbyz. 

Sondaı-aq, Atyraýda memlekettik qyzmet isteri departamentiniń basshysy qyzmetinen ketkenin habarlaǵan edik.