Atyraý oblysynyń Maqat aýdanynda 9 evakýatsııa pýnkti daıyndalyp jatyr

<p>ATYRAÝ. KAZINFORM &ndash; 560 orny bar 9 evakýatsııa pýnktine sý tasqynynan qaýip tónse, Mahambet aýdanynyń turǵyndaryn kóshirý josparlanǵan.&nbsp;</p>

Atyraý oblysynyń jedel shtabynan málim etkendeı, Maqat aýdanyndaǵy evakýatsııalyq pýnkt mektepter men sport keshenderinde, jergilikti kolledjde daıyndalǵan.

«Maqat aýdanyndaǵy 9 evakýatsııalyq pýnkt Maqat jáne Dossor kentinde, Báıgetóbe aýylynda daıyndalyp jatyr. Qazir M.Baımuhanov, H.Sanbaev atyndaǵy orta mektepter, Maqat munaı-gaz tehnologııalyq kolledji, Maqat aýdandyq balalar-jasóspirimder sport mektebi, Dossor balalar-jasóspirimder sport mektebi, Maqat aýdandyq №2 balalar-jasóspirimder sport mektebi qajetti tósek jabdyǵymen qamtamasyz etildi. Tasqyn sýdan qaýip tóngen jaǵdaıda bul evakýatsııalyq pýnktterge Mahambet aýdanynan turǵyndardy ýaqytsha kóshirý josparlanyp otyr», - dep habarlady oblystyq jedel shtabtan.

Eske sala ketelik, buǵan deıin Atyraý oblysynda eki aýyldyń arasyndaǵy jol jyrylyp, qatynas ýaqytsha toqtatylǵanyn habarlaǵan bolatynbyz.