Atyraý oblysynyń ákimi bıyl egin aýmaǵynyń azaıý sebebin túsindirdi

<p>ASTANA. KAZINFORM &ndash; Bıyl Atyraý oblysynda 5,3 myń gektar jerge ǵana egin egildi. Onyń sebebin óńir ákimi Serik Shápkenov túsindirdi.</p>

— Bıyl egin naýqanynda 95,6 mlrd teńgeniń aýyl sharýashylyǵy ónimi óndirildi. Keler jyly bul kórsetkishti 127,4 mlrd teńgege jetkizýdi josparlap otyrmyz. Óńir sharýalary 10,3 myń gektar aýmaqqa egin egýdi josparlaǵan edi, ókinishke qaraı, sý basý saldarynan tek 5,3 myń gektar jerge egin egildi. Al mal sharýashylyǵy salasy boıynsha qýantarlyq jańalyq bar, bıyl iri qara basy kóbeıip, 223,8 myńnan asty, al úı qustarynyń sany eki ese ósti, — dedi Serik Shápkenov oblystyń bıylǵy áleýmettik-ekonomıkalyq damý barysy týraly esep bere turyp.

Ákimniń aıtýynsha, qazir óńirde aýyl sharýashylyǵy salasyn damytý baǵytynda 3 ınvestıtsııalyq joba iske asyp jatyr. Onyń nátıjesinde 90 jumys orny quryldy. 

— Keler jyly quny 26,2 mlrd teńge bolatyn 4 jobany iske asyrý josparda bar. Osylaısha 187 jumys orny qurylady. «Aýyl amanaty» jobasy da júıeli iske asýda, bul úshin bıýdjetten 761 mıılıon teńge qaralyp, 83 joba qoldaý tapty. 50 joba mal sharýashylyǵyna qatysty bolsa, 30-y shaǵyn jáne orta bıznesti damytýǵa arnalǵan, — deıdi ol.