Atyraý oblysyndaǵy sý basý qaýpi bar aýmaqtar áýeden tekserildi

<p>ATYRAÝ. KAZINFORM &ndash; Atyraý oblysynyń ákimi Serik Shápkenov Qyzylqoǵa aýdanyndaǵy sý basý qaýpi tónetin aýmaqtarǵa áýeden tekserý júrgizdi. Bul aýdan Aqtóbe oblysymen shektesedi.</p>

Qyzylqoǵa aýdanynyń ákimi Qanat Ázmuhanovtyń aıtýynsha, negizgi qaýip Oıyl ózeninen tónýi múmkin. Aqtóbe óńirinen bastalatyn ózen Mııaly aýylyna jaqyn mańnan ótedi. Al, Saǵyz aýylynyń ortasymen Noǵaıty ózeni ótedi.

Foto: Atyraý oblysynyń ákimdigi

«Mııaly aýylynda 18 naýryzdan beri kezekshilik uıymdastyryldy. Al, 23 naýryz kúni erigen qardyń saldarynan aýyl irgesindegi Qarasý jyrasynda sý deńgeıi kúrt kóterildi. Sondyqtan, sol mańda salynyp jatqan kópir qurylysy ýaqytsha toqtatyldy. Qazir erigen qar sýy aınalma joldyń boıyndaǵy drenaj júıesi arqyly kedergisiz aǵyp jatyr. Sý tasqynynan qorǵaý úshin Mııaly aýylynyń mańyndaǵy aınalma jol boıynda, Saǵyz-Mııaly-Qarabaý tas jolynda qosymsha bógetter salynyp jatyr», -dedi Qanat Ázmuhanov.

Onyń málimetinshe, Qyzylqoǵa aýdanynda byltyr 26,5 shaqyrym bóget salynǵan. Al, bıyl aqpan-naýryz aılarynda qosymsha 2,7 shaqyrym bóget soǵylǵan.

Foto: Atyraý oblysynyń ákimdigi

«Aýdan ákiminiń suranysymen kóktemgi sý tasqynynyń aldyn alý úshin arnaıy tehnıka bólindi. Jaqynda aýdanǵa jetkiziledi. Bógetterge táýlik boıy kezekshilik uıymdastyrylady», -dedi oblys ákimi Serik Shápkenov.

Eske sala ketelik, budan buryn Atyraý oblysynyń qansha eldi mekenine tasqyn sý qaýpi tónetinin jazǵan edik.

Keıin Atyraý oblysynda sý tasqynyna baılanysty 190-nan astam qabyldaý beketi daıyndalǵanyn habarlaǵan bolatynbyz.