Atyraý oblysyndaǵy órtte kúıip qalǵan eki adamnyń jaǵdaıy aýyr

<p>ATYRAÝ. KAZINFORM &ndash; Atyraý oblysynyń Inderbor kentindegi órtten kúıip qalǵan eki adamnyń jaǵdaıy aýyr kúıde qalyp otyr.&nbsp;</p>

Atyraý oblystyq Densaýlyq saqtaý basqarmasy baspasóz qyzmetiniń málimetinshe, búgin, 25 sáýirde Inderbor kentinde órtten eki adam zardap shekken.

«Inder aýdandyq ortalyq aýrýhanasyna eki adam jetkizildi. Onyń biri – áıeldiń jaǵdaıy asa aýyr jaǵdaıda dep baǵalanyp otyr. Naýqastyń denesiniń 90-95 paıyzyn kúıik shalǵan. Al er adamnyń jaǵdaıy ortasha aýyr. Qazir naýqastyń ekeýi de jansaqtaý bóliminde jatyr. Naýqastar apparatqa qosylǵan. Áıeldi Atyraý qalasyna jetkizý úshin sanavıatsııa shaqyryldy», - dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysyndaǵy Inderbor kentinde órtten eki bala mert bolǵanyn habarlaǵan edik.