Atyraý oblysyndaǵy bir aýdanda tótenshe jaǵdaı jarııalandy

<p>ATYRAÝ. KAZINFORM &ndash; Atyraý oblysynlaǵy Qyzylqoǵa aýdanynyń ortalyǵy &ndash; Mııaly aýylyna Oıyl ózeninen tasqyn sý kirý qaýpi týyndady. Osyǵan baılanysty tótenshe jaǵdaı jarııalanyp, aýyl turǵyndaryn qaýipsiz jerge kóshirýge sheshim qabyldandy.&nbsp;</p>

Qyzylqoǵa aýdany ákimdiginiń málimetinshe, turǵyndardy qabyldaý úshin Mııaly aýylyndaǵy Y.Shórekov atyndaǵy orta mektep-gımnazııa, H.Dosmuhamedov atyndaǵy orta mektep pen «Nur-Shýaq» balabaqshasy daıyn tur.

«Turǵyndardan aýdan ákimdigi, «Arman» mádenıet úıi men «Jańa arna» mekemesiniń ǵımaratyna jınalý suralady. Birinshi kezekte áıelder, balalar, naýqas adamdar, I, II, III- toptaǵy múgedekter kóshiriledi», - dep habarlady aýdandyq ákimdikten. 

Foto: Qyzylqoǵa aýdandyq ákimdigi

Eske sala ketelik, budan buryn Atyraý oblysynyń qansha eldi mekenine tasqyn sý qaýpi tónetinin habarlaǵan edik. 

Keıin Atyraý oblysynda sý tasqynyna baılanysty 190-nan astam qabyldaý beketi daıyndalǵanyn jazǵan bolatynbyz. 

Atyraý oblysyndaǵy sý basý qaýpi bar aýmaqtar men joldaǵy sý ótkizetin qubyr men kópirler tekserildi. 

Sondaı-aq Qyzylqoǵa aýdanynda birneshe aýyldyń turǵyndary qaıyqpen qatynaıtynyn habarlaǵan edik.