Atyraý oblysynda júk kóligindegi 22 tonna maqta túgi qalmaı órtenip ketti

<p>ATYRAÝ. KAZINFORM &ndash; Atyraý oblysynda júk kóligindegi 22 tonna maqta túgi qalmaı órtenip ketti.</p>

Atyraý oblystyq tótenshe jaǵdaılar departamenti qoǵammen baılanys tobynyń málimetinshe, oqıǵa 12 sáýirde saǵat 12:55-te bolǵan. 

«Atyraýdan Reseıdegi Astrahan oblysyna qatynaıtyn jol boıyndaǵy Tuşyqudyq aýylynyń tusynda júk kóliginiń tirkemesi órtendi. Júk kóligi Grýzııada tirkelgen. Kóliktiń Shymkent qalasynan shyǵyp, Túrkııaǵa baǵyt alǵany anyqtaldy. Onyń tirkemesine tıelgen 22 tonna maqta túgeldeı janyp ketti», - habarlady departamenttiń qoǵammen baılanys toby. 

Órt saǵat 13:47-de oqshaýlanǵan. Al, saǵat 14:20-da tolyǵymen sóndirildi. 

Qazir órttiń shyǵý sebebi anyqtalyp jatyr. 

Eske sala ketelik, budan buryn Kaspıı teńiziniń jaǵalaýynda qamys órtenip jatqanyn jazǵan edik.