Atyraý oblysynda joldaǵy sý ótkizetin qubyr men kópirler tekserildi

<p>ATYRAÝ. KAZINFORM &ndash; Atyraý oblysynda respýblıkalyq joldaǵy sý ótkizetin qubyrlar men kópirlerge tekserý júrgizildi.&nbsp;</p>

«Jol aktıvteriniń ulttyq sapa ortalyǵy» RMK Atyraý oblystyq fılıalynyń dırektory Bekbol Muqashovtyń aıtýynsha, respýblıkalyq jáne oblystyq mańyzdaǵy joldarda baqylaý kúsheıtildi.

«Atyraý oblysynyń aýmaǵymen 4 baǵytta respýblıkalyq mańyzy bar jol ótedi. Kóktemgi sý tasqynyna qarsy daıyndyq kúsheıtildi. Máselen, «Aqtóbe-Atyraý-Astrahan» tas jolyndaǵy Saǵyz ózeni ústinen salynǵan kópirdiń jaı-kúıine tekserý júrgizildi. Mundaı tekserý «Dossor-Qulsary-Beıneý-Aqtaý» baǵytynda jolda Qursaı ózenindegi kópir tekserildi», - deıdi Bekbol Muqashev.

Onyń deregine súıensek, Qyzylqoǵa, Jylyoı aýdandary arqyly aǵatyn Jem ózeniniń tereńdigi 2 metrge jetken. Qazir sý ózenniń arnasymen aǵyp jatyr. 

«Osy kezge deıin «Atyraý-Oral» tas joly boıyndaǵy 25 sý ótkizgish qubyr tazartyldy. Al, «Qajservıs» JShS-niń Atyraý oblystyq fılıaly sý tasqynyna qarsy 250 tekshe metr qıyrshyq tas, 500 tonna qum, 3 motopompa, 3 qaıyq jáne 1 myń qap qum daıyndady. Bul materıaldar jol paıdalaný beketterinde saqtaýly tur», - dep málim etti Bekbol Muqashov.

Eske sala ketelik, buǵan deıin Atyraý oblysynyń qansha eldi mekenine tasqyn sý qaýpi tónetinin habarlaǵan edik. 

Keıin Atyraý oblysynda sý tasqynyna baılanysty 190-nan astam qabyldaý beketi daıyndalǵanyn jazǵan bolatynbyz. 

Sondaı-aq Atyraý oblysyndaǵy sý basý qaýpi bar aýmaqtar áýeden tekserildi.