Atyraý oblysynda jolaýshylar poıyzy bes túıeni basyp ketti

<p>Atyraý oblysynda &laquo;Volgograd-Tashkent&raquo; baǵytyna qatynaıtyn jolaýshylar poıyzy 5 túıeni basyp ketti. Teplovoz mashınısi shuǵyl tejeý tetigin iske qosqanymen, poıyz toqtap úlgermegen, dep habarlaıdy Kazinform.</p>

Kóliktegi polıtsııa departamentiniń baspasóz qyzmetinen málim etkendeı, oqıǵa 13 qańtarda bolǵan.

«Jylyoı aýdanyndaǵy Qulsary temirjol stansasynyń mashınısi shuǵyl tejeý tetigin iske qosty. Buǵan temirjol boıynda birneshe túıeniń júrgeni sebep bolǵan. Alaıda, jolaýshylar poıyzy toqtap úlgermeı, bes túıeni basyp ketti», - dep habarlady departamenttiń baspasóz qyzmeti.

Túlik ıesiniń temirjol boıynda mal jaıýy — zańsyz áreket. Sol sebepti, mal ıesi ákimshilik jaýapkershilikke tartyldy.

«Shuǵyl tejeý ​​jáne janýarlarmen soqtyǵystyń saldarynan poıyzdar uzaq turyp qalady. Lokomotıvter zaqymdanyp, shyǵynǵa ushyraıdy. Osyǵan baılanysty kóliktegi polıtsııa departamenti úı janýarlarynyń ıelerine qaýipsizdik sharalaryn eskerip, temirjol mańynda mal jaıýda saq bolýdy eskertedi», - dep málim etti departamenttiń baspasóz qyzmeti.

Eske sala ketelik, budan buryn Atyraý oblysynda mal izdeýge shyqqan 3 adam joǵalyp ketkenin habarlaǵan bolatynbyz.