Atyraý oblysynda jolaýshylar avtobýsy órtenip ketti

<p>ATYRAÝ. KAZINFORM &ndash; Atyraý oblysynda jolaýshy tasymaldaıtyn qoǵamdyq kólik túgi qalmaı órtendi.</p>

Atyraý oblystyq Tótenshe jaǵdaılar departamentiniń qoǵammen baılanys tobynan málim etkendeı, oqıǵa keshe, 11 aýryzda bolǵan.

«Maqat aýdanynyń ortalyǵy – Maqat kentinde keshki saǵat 20:00-de avtobýs órtendi. Jalyn saǵat 20:39-da oqshaýlanyp, saǵat 20:52-de tolyq sóndirildi», - dep habarlady departamenttiń qoǵammen baılanys toby.

Qoǵamdyq kóliktiń Atyraý qalasy men Maqat kenti aralyǵynda jolaýshy tasymaldaıtyny anyqtalyp otyr. Órtten zardap shekkender joq.

Jalyndy sóndirýge 7 adam men 2 tehnıka tartylǵan.

Eske sala ketelik, buǵan deıin Atyraý oblysynda jol apatynan eki kólik órtenip, bir adam kóz jumǵanyn habarlaǵan bolatynbyz.