Atyraý oblysynda eskertýdi elemegen júrgizýshi jol apatynan kóz jumdy

<p>ATYRAÝ. KAZINFORM &ndash; Atyraýda polıtseıdiń ekertýin elemegen júrgizýshi jol apatyn jasaǵan. Jol-kólik oqıǵasynan júgizýshi men jolaýshy kóz jumdy.&nbsp;</p>

Atyraý oblystyq polıtsııa departamentiniń baspasóz qyzmetinen málim etkendeı, oqıǵa 15 qańtarda bolǵan. 

– Patrýldik polıtsııa rotasynyń qyzmetkerleri respýblıkalyq mańyzy bar tas jolda qaýipsizdikti saqtaý úshin kún saıyn reıd júrgizýdi qolǵa aldy. Keshe, 15 qańtar kúni, saǵat 14:00 shamasynda joldyń taıǵaq bolýyna baılanysty júrgizýshilerge eskertý jasalǵan. Alaıda Dossor-Qulsary-Beıneý tas jolynyń 53-shaqyrymynda qoǵamdyq avtokólik pen Chevrolet Cobalt avtokóligi soqtyǵysy. Jol apatynyń saldarynan jeńil kólikti júrgizgen 48 jastaǵy júrgizýshi men jolaýshy oqıǵa ornynda kóz jumdy, - dep habarlady departamenttiń baspasóz qyzmeti. 

Polıtsııa oqıǵanyń mán-jaıyn tekserý kezinde júrgizýshiniń 1 saǵat buryn eskertý alǵanyn anyqtaǵan. Atalǵan derekke qatysty tergeý amaldary júrgizilip jatyr. 

– Kólik júrgizýshilerine aýa raıynyń qubylýyna, joldyń taıǵaq bolýyna baılanysty qaýipsizdik sharalaryn qatań saqtaýdy eskertemiz. Ásirese, ara qashyqtyqty saqtap, jyldamdyqty shamamdan tys asyrmaǵan jón, - dep málim etti departamenttiń baspasóz qyzmetinen. 

Eske sala ketelik, buǵan deıin Almaty oblysynda avtobýs jaıaý júrginshini qaǵyp, mert qylǵany habarlanǵan edi.