Atyraý oblysynda jol apatynan eki kólik órtenip, bir adam kóz jumdy

<p>ATYRAÝ. KAZINFORM &ndash; Atyraý oblysynda eki kólik soqtyǵysyp, órtenip ketti. Jol apatynyń saldarynan bir júrgizýshi mert boldy.&nbsp;</p>

Atyraý oblystyq polıtsııa departamenti baspasóz qyzmetiniń málimetinshe, oqıǵa búgin, 9 naýryzda bolǵan.

«Búgin tańerteńgi saǵat 07:00 shamasynda «Dossor-Qulsary-Beıneý» tas jolynyń 74-shaqyrymy tusynda eki kólik soqtyǵysty. Biri – Gazel, ekinshisi – KamAZ. Jol-kólik oqıǵasynyń saldarynan eki avtokólik te órtenip ketti. Al, Gazel avtokóliginiń 24 jastaǵy júrgizýshisi oqıǵa ornynda qaıtys boldy», - dep habarlady departamenttiń baspasóz qyzmeti. 

Polıtseıler jol apatynyń sebebin tekserý úshin «Kıber-Sherıf» qurylǵysy arqyly avtokólikterdiń qozǵalys ýaqytyn zerdeledi. Sol kezde Gazel kóligi júrgizýshisiniń demalmastan táýlik ishinde Aqtaý-Oral, Oral-Atyraý baǵytynda jol júrgenin anyqtady. 

«Tártip saqshylary jol erejelerin buzbaı, kólikti saqtyqpen júrgizýdi eskertedi. Kólik júrgizý úshin fızıkalyq turǵydan daıyn bolý kerek. Al, alys saparǵa shyqqanda, jol boıyndaǵy kempıngterde demalý qajet. Kólik júrgizýshileri óziniń jáne ózgeniń densaýlyǵy men ómirine jaýapty ekenin esten shyǵarmaýy tıis», - dep habarlady departamenttiń baspasóz qyzmeti.

Eske sala ketelik, budan buryn jol apatynan zardap shekken úsh jasóspirimniń ekeýi jansaqtaý bóliminde jatqanyn jazǵan bolatynbyz.