Atyraý oblysynda jol apatynan bir adam mert bolyp, tórteýi aýrýhanaǵa jetkizildi

<p>Atyraýdan Oral qalasyna qatynaıtyn jolda eki kólik soqtyǵysyp, bir jolaýshy kóz jumdy. Al bir júrgizýshi men 3 jolaýshy aýrýhanaǵa jetkizildi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý oblystyq Polıtsııa departamenti baspasóz qyzmetiniń málimetine súıensek, jol-kólik oqıǵasy 25 jeltoqsanda tirkelgen.

«Jergilikti ýaqytpen kúndizgi saǵat 10:30 shamasynda «Atyraý-Oral» respýblıkalyq tas jolynda eki kólik soqtyǵysty. Kóliktiń biri – LADA Granta, al ekinshisi – Škoda Octavia. Jol apatynan LADA Granta avtokóligindegi 1990 jylǵy jolaýshy oqıǵa ornynda jantásilim etti. Škoda Octavia avtokóliginiń júrgizýshisimen 3 jolaýshy túrli dene jaraqatyn aldy. Zardap shekkender aýrýhanaǵa jetkizildi», -dep habarlady departamenttiń baspasóz qyzmeti.

Polıtsııa qyzmetkerleri jol-kólik apatynyń sebebin anyqtap, tıisti is-qujattar jınaqtap jatyr.

Eske sala ketelik, buǵan deıin Atyraýda 5 saǵat buryn polıtseıden eskertý alǵan júrgizýshi adam ólimine sebepshi bolǵanyn habarlaǵan edik.

Toyota Avalon avtokóliginiń 1999 jylǵy júrgizýshisi 5 saǵattan keıin jol apatyn jasaǵan. Sóıtip, VAZ-2114 avtokóliginiń 1988 jylǵy júrgizýshisi oqıǵa ornynda kóz jumýyna sebepker bolǵan.

Sondaı-aq Atyraý oblysynda jyl basynan beri jol apatynan 89 adam mert bolǵanyn habarlaǵan edik.