Atyraý oblysynda jol apatynan 4 adam aýrýhanaǵa jetkizildi

<p>ATYRAÝ. KAZINFORM &ndash; Atyraý oblysynda eki kólik soqtyǵysyp, 4 adam aýrýhanaǵa jetkizildi. Onyń biri &ndash; kólik júrgizýshisi.&nbsp;</p>

Atyraý oblystyq polıtsııa departamenti baspasóz qyzmetiniń aqparatyna súıensek, jol-kólik oqıǵasy búgin, 29 mamyrda bolǵan.

Foto: Maqat aýdandyq polıtsııa bólimi

«Kúndizgi saǵat 16:30 shamasynda Aqtóbe-Atyraý-Astrahan tas jolynyń 406-shaqyrymy tusynda eki kólik soqtyǵysty. Kóliktiń biri – Nıva, ekinshisi – Toyota. Jol-kólik oqıǵasynyń saldarynan 4 adam túrli dene jaraqatyn saldy. Zardap shekkenderdiń arasynda Nıva avtokóliginiń júrgizýshisi men 2 jolaýshysy bar. Zardap shekken taǵy bir jolaýshy Toyota avtokóliginde bolǵan. Túrli dene jaraqatyn alǵan 4 adam Maqat aýdandyq ortalyq aýrýhanasyna jetkizildi», - dep habarlady departamenttiń baspasóz qyzmeti.

Qazir Maqat aýdandyq polıtsııa bóliminiń qyzmetkerleri jol-kólik oqıǵasyna baılanysty tıisti is qujattaryn jınaqtady.

Eske sala ketelik, budan buryn Atyraýda 3,7 mln teńge aıyppulyn tólemegen júrgizýshiniń kóligi aıyp turaǵyna qoıylǵanyn habarlaǵan bolatynbyz.