Atyraý oblysynda jyl basynan beri 5 myńnan astam jas jumys izdegen
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy baspasóz qyzmetiniń aqparatyna qaraǵanda, tıisti organǵa jumyspen qamtý máselesimen 5 084 jas habarlasqan.
«Onyń ishinde 4 758 jasqa áleýmettik qoldaý túrleri kórsetildi. Turaqty jumysqa 382, bıýdjet esebinen uıymdastyrylatyn qoǵamdyq jumysqa 858, áleýmettik jumys oryndaryna 101, jastar tájirıbesine 816, «Alǵashqy jumys orny» jobasyna 204 jas jiberildi. Al onlaın «skills» oqytý kýrsyna 159, «Bastaý-Bıznes» jobasymen kásipkerlik negizderine 135 jas jiberilse, kásiptik baǵdar berý jobasymen 2 103 adam qamtyldy», - dep habarlady basqarmanyń baspasóz qyzmeti.
Bıyl kásipkerlikti qoldaý baǵytymen 142 jasqa 2,5 paıyzben 5 mln teńgege deıin mıkrokredıtterdi berý úshin 710 mln teńge bólingen. Basqarma tarapynan jastardy kásipkerlikke tartý úshin Eńbek jáne halyqty áleýmettik qorǵaý mınıstrligine mıkrokredıt kólemin kóbeıtý týraly usynys joldanǵan.
Eske sala ketelik, buǵan deıin Atyraýda 562 otbasy 75 mln teńgeniń ataýly áleýmettik kómegin alǵanyn habarlaǵan bolatynbyz.