Atyraý oblysynda «Jasyl el» eńbek jasaǵyna 1 myń jas irikteldi

<p>ATYRAÝ. KAZINFORM &ndash; Atyraý oblysynda &laquo;Jasyl eldiń&raquo; eńbek jasaǵyna 1 myń jas tartylady. Qazir alǵashqy lekte 300-den astam jas jumys istep júr.</p>

Atyraý oblystyq ishki saıasat basqarmasy jastar jáne áleýmettik bastamalardy qoldaý bóliminiń bas mamany Áıgerim Qurmanberlıevanyń aıtýynsha, bıyl «Jasyl el» baǵdarlamasyna qatysý úshin 1 myń 700 jastan ótinish túsken. 

«Óńirdegi tótenshe jaǵdaıǵa baılanysty «Jasyl el» jastar jasaǵynyń bıylǵy eńbek maýsymy 12 maýsymda bastaldy. Oǵan 16 men 35 jas aralyǵyndaǵy 1 jas jas irikteldi. Joba Atyraý qalasynyń aýmaǵyndaǵy 6 aýyldyq okrýg pen 7 aýdanda iske asyrylady. Jumyspen qamtylǵan jastar kógaldandyrý, abattandyrý baǵytyna qosa qurylys salasynda jumys isteıdi. Máselen, Jylyoı aýdanynan 140 jas sý tasqynynan zardap shekkenderge salynyp jatqan turǵyn úı qurylysyna jáne kógaldandyrý jumystaryna tartylady», -deıdi Áıgerim Qurmanberlıeva.

Onyń deregine súıensek, qurylysta jumys isteıtin jastar úshin 85 myń teńge jalaqyǵa qosymsha dál osyndaı qarjy tólenedi. 

«Bıyl oblys bıýdjetinen «Jasyl el» jobasyna 110 mln teńgege jýyq qarjy bólindi. Bul qarjy uıymdastyrýshylar men jumysqa tartylǵan jastardyń jalaqysyn tóleýge, túrli aktsııa men senbilik ótkizýge, arnaıy kıim men túrli qural-saıman alýǵa jumsalady. Qazir 300-den jas jumys istep júr», -dedi Áıgerim Qurmanberlıeva.

Eske sala ketelik, buǵan deıin Jylyoı jastary «Jasyl el» baǵdarlamasymen qurylys jumystaryna tartylatynyn habarlaǵan bolatynbyz.