Atyraý oblysynda iz-túzsiz joǵalǵan er adam óli kúıinde tabyldy

<p>ATYRAÝ. KAZINFORM &ndash; Atyraý oblysynda 9 qańtarda 39 jastaǵy er adam joǵalyp ketken edi. Ol sol kúni túnde anasyna &laquo;Zırat janynda kele jatyrmyn. Adasyp kettim&raquo; dep habar bergen. &nbsp;</p>

Oblystyq polıtsııa departamentiniń baspasóz qyzmetinen málim etkendeı, keshe, 24 qańtarda er adam óli kúıinde tabylǵan.

«Jylyoı aýdandyq polıtsııa bóliminiń ýchaskelik polıtsııa ınspektorlary jedel-izdestirý jumystary kezinde Aqkıiztoǵaı aýyly mańynan qaıtys bolǵan er adamnyń múrdesin tapty. Tekserý kezinde onyń 9 qańtarda joǵalǵan 1985 jylǵy ekeni anyqtaldy. Qazir sot-medıtsınalyq saraptama taǵaıyndaldy», -dep málim etti departamenttiń baspasóz qyzmetinen.

Eske sala ketelik, buǵan deıin Atyraý oblysynda 11 kún buryn iz-túzsiz joǵalǵan er adam áli tabylmaı jatqanynjazǵan edik.

Keıin Atyraý oblysynda 15 kún buryn joǵalǵan er adam áli tabylmaǵanyn habarlaǵan bolatynbyz.

Er adam Qulsary qalasynan 35 shaqyrym qashyqtyqta ornalasqan Aqkıiztoǵaı eldi mekeninen belgisiz baǵytqa shyǵyp ketken. Onyń osy kezge deıin keri oralmaǵany anyqtalyp otyr. Іzdestirý-qutqarý jumystaryna Jylyoı aýdanyndaǵy №2 órt sóndirý bóliminen 3 qyzmetker, 1 tehnıka, aýdandyq polıtsııa bóliminen 5adam, 1 tehnıka, jergilikti turǵyndardan 4 adam, 1 tehnıka tartylǵan.