Atyraý oblysynda úshem dúnıege keldi

<p>ATYRAÝ. KAZINFORM &ndash; Atyraý oblysynda 29 jastaǵy kelinshek úsh uldy ómirge ákeldi. Oblystyq perınataldyq ortalyǵynda bosanǵan Araı Erǵalıeva úsheminiń salmaǵy úsh túrli &ndash; 2 keli 249, 2 keli 533, úshinshisi &ndash; 2 keli 608 gramm.&nbsp;</p>

Úshemniń anasy Araı Qurmanǵazy aýdanyndaǵy Safon selosynyń turady. Bul – onyń úshinshi júktiligi. Buǵan deıin kúıeýi Murabek Qumarovpen birge bir ul, bir qyzdyń ata-anasy atanǵan.

«Ómirge úsh uldy aman-esen ákelgen kelinimizge rızamyz. Birden úsh sábıdi bosaný ońaı emes. Nemerelerin ájesi úıde kútip otyr. Sábılerge Nurıslam, Nurıman, Nurmuhambet esimin berdik. Perınıtaldyq ortalyqtyń dárigerleriniń eńbegine tabys tileımiz», - deıdi úshemniń atasy Salyq Ispergenov. 

Foto: Atyraý oblystyq densaýlyq saqtaý basqarmasy

Oblystyq densaýlyq saqtaý basqarmasynyń basshysy Qaısar Abdalıevtyń aıtýynsha, jyl saıyn 170-ke jýyq egiz dúnıege keledi. Al, bul úsh ul – bıylǵy ekinshi úshem.

Úshemniń anasy Araı Erǵalıeva mektepte jumys isteıdi. Tarıh páninen sabaq beredi. 

«Ómirge sábı ákelý – erekshe baqyt. Sábılerimniń aman-esen dúnıege kelýine dárigerler kóp qoldaý kórsetti», - Araı Erǵalıeva. 

Foto: Atyraý oblystyq densaýlyq saqtaý basqarmasy

Eske sala ketelik, budan buryn Atyraý dárigerleri júregi toqtap qalǵan 12 jasar jasar qyzdyń ómirin saqtap qalǵanyn jazǵan edik.