Atyraý oblysynda turǵyn úı máselesi qalaı sheshilip jatyr

<p>Atyraý oblysynyń ákimi Serik Shápkenov óńir halqyn turǵyn úımen qamtý baǵytyndaǵy atqarylyp jatqan jumystar týraly aıtty, dep habarlaıdy <a href="Kazinform" target="_blank" rel="noopener">Kazinform.</a></p>

«Oblysta 10 aıda 558,3 myń sharshy metr turǵyn úı (4 206 páter) paıdalanýǵa berildi. Onyń ishinde 390,2 myń sharshy metr (2 430 páter) jeke turǵyn úı, 168,1 myń sharshy metr (1 776 páter) kommertsııalyq turǵyn úı.

Bıyl kommýnaldyq turǵyn úı qorynan 242 azamatqa páter kilti tabystaldy. Bul baǵytta bıýdjet esebinen qarajat bólinip, 292 páter satyp alynýda. Budan bólek halyqty turǵyn úımen qamtamasyz etýdiń basqa da tetikteri qoldanylyp jatyr. Tıisti qarajattar qarastyrylyp, birqatar óńirlik baǵdarlamalar qabyldandy», - dedi Ortalyq kommýnıkatsııalar qyzmet alańynda ótken baspasóz máslıhatynda sóz sóılegen Serik Shápkenov.

Ákimniń taratqan málimetinshe, 35 jasqa deıingi jastardy turǵyn úımen qamtý úshin «Atyraý jastary» baǵdarlamasyna jergilikti bıýdjet esebinen 1 mlrd teńge bólingen. 

«Alǵashqy kezeńde 100-ge jýyq jas mamandy baspanamen qamtý josparlanǵan bolatyn. Jospar tolyqtaı oryndalyp, baǵdarlama óz nátıjesin kórsetti. Aldaǵy jyly jumys jalǵasady. Budan bólek «Baqytty otbasy – Atyraý» óńirlik baǵdarlamasy sheńberinde kópbalaly analar, tolyq emes otbasylar jáne múmkindigi shekteýli bala tárbıelep otyrǵan otbasylardyń ótinimderdi qaralýda. Osy maqsatqa bıýdjet esebinen 3,0 mlrd teńge qarajat bólindi», - deıdi ol.

Sondaı-aq Serik Shápkenov búgingi tańda 38 otbasy turǵyn úımen qamtylyp, 26 otbasynyń ótinimderi maquldanǵanyn aıtty. Bul baǵdarlamanyń erekesheligi sol, qatysýshylarǵa bastapqy jarnasyz, qoldanystaǵy úıdi (2-shi naryqtaǵy úı) satyp alýǵa múmkindik beriledi.