Atyraý oblysynda tumaýǵa qarsy vaktsınanyń 65 myń dozasy satyp alynǵan

<p>ATYRAÝ. KAZINFORM &ndash; Atyraý oblysynyń turǵyndary úshin tumaýǵa qarsy &laquo;Grıppol plıýs&raquo; vaktsınasynyń 65 myń dozasy jetkizildi.</p>

Atyraý oblystyq sanıtarııalyq-epıdemıologııalyq baqylaý departamenti basshysynyń orynbasary Altyngúl Aımuratovanyń málimetinshe, jyl basynan beri jiti respıratorlyq vırýstyq ınfektsııanyń 98 736 jaǵdaıy tirkelgen. 

«Al tumaýdyń zerthanalyq jolmen dáleldengeni – 41. Bıyl 15 qyrkúıekten búginge deıin 30 myńǵa jýyq turǵyn tumaýǵa qarsy ekpe saldyrdy. JRVI-men aýyrǵandardyń kópshiligi – 14 jasqa deıingi balalar. Tumaýdyń birinshi belgileri aǵzaǵa túsken vırýstyń kólemine, adamnyń ımmýndyq júıesiniń jaǵdaıyna, vırýstyń tıpine baılanysty bolady. Aýrý ınkýbatsııalyq kezeńnen bastalady. Vırýsty juqtyrýdan soń birinshi belginiń birneshe saǵattan, nemese birneshe kúnnen keıin baıqalýy múmkin. Tumaýdyń aldyn alýdyń jáne emdeýdiń birden-bir joly – vaktsına alý. Tumaýǵa qarsy vaktsınatsııalaý qarashaǵa deıin jalǵasady», - dep habarlady Altyngúl Aımuratova. 

Onyń deregine súıensek, Atyraý oblysynda ótken jyly 66 myń 490 adam tumaýǵa qarsy vaktsına saldyrǵan. 

Eske sala ketelik, budan buryn Atyraý dárigerleri aýyr pnevmonııaǵa shaldyqqan náresteni aman alyp qalǵanyn habarlaǵan bolatynbyz.