Atyraý oblysynda tegin úıirmelerge tartylǵan balalar sany 10 myńnan asqan

<p>Atyraý oblysynda bıyl tegin úıirmelerge tartylǵan balalar sany 10 myńnan asqan. Balalar arasynda &laquo;Ulttyq bı&raquo;, &laquo;Keskindeme, sýret&raquo;, &laquo;Dombyra&raquo;, &laquo;Zamanaýı bı&raquo;, &laquo;Estradalyq vokal&raquo;, &laquo;Halyq ánderin aıtý&raquo; úıirmelerine suranys artqan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Atyraý oblystyq tekserý komıssııasynyń múshesi Lázzat Aqqajıevanyń aıtýynsha, Damubala.kz platformasy sheńberinde «Memlekettik shyǵarmashylyq tapsyrys» jobasymen 29 túrli tegin úıirme qyzmet kórsetedi. Bul – oblystaǵy balalardyń 5 paıyzy.

– Bıyl qańtar-mamyr aralyǵynda bul úıirmelerge 10 458 bala barǵan. Vaýcherlerdiń ishinde eń kóp suranys «Ulttyq bı», «Keskindeme, sýret», «Dombyra», «Zamanaýı bı», «Estradalyq vokal», «Halyq ánderin aıtý» úıirmelerine artqan. Shyǵarmashylyq úıirmelerge bólingen bıýdjet qarajatynyń jumsalýyn baǵalaý, taldaý maqsatynda oblys turǵyndary arasynda anonımdik saýalnama júrgizdik. Saýalnamaǵa 969 respondent qatysty. Olar tegin úıirmege qatysqan balalarynyń shyǵarmashylyqqa qyzyǵýshylyǵy artyp, bos ýaqytyn tıimdi paıdalanǵanyn, ónerge beıimdelý qabileti ashylǵanyn kórsetti. Jobaǵa sáıkes bıýdjet esebinen bir balanyń úıirmege qatysýyna ortasha eseppen 14 myń teńge jumsalǵan. Bul ata-analar úshin, ásirese kóp balaly otbasylar úshin óte tıimdi joba boldy, - dedi Lázzat Aqqajıeva.

Eske sala ketelik, budan buryn Atyraýda shyǵarmashylyq úıirmeler talapqa sáıkes emes ǵımarattarda ornalasqanyn https://kaz.inform.kz/news/atirauda-shigarmashilik-uyrmeler-talapka-saykes-emes-gimarattarda-ornalaskan-6920e1/ habarlaǵan bolatynbyz.