Atyraý oblysynda tasqyn sýdyń ortasynan 60 jylqy qaýipsiz aýmaqqa shyǵaryldy

<p>ATYRAÝ. KAZINFORM &ndash; Atyraý qalasynan 30 shaqyrym qashyqtyqtaǵy tasqyn sýdyń ortasynan 60 jylqy qaýipsiz aýmaqqa shyǵaryldy.</p>

Atyraý oblystyq tótenshe jaǵdaılar departamenti qoǵammen baılanys tobynyń aqparatyna qaraǵanda, 60 jylqy tasqyn sýdyń ortasynda qalǵan.

Tasqyn sý Atyraý qalasynan 30 shaqyrym qashyqtyqtaǵy №17 temirjol beketiniń tusyna jaıylǵan. Búgin tótenshe jaǵdaılar departamentine qarasty jedel-qutqarý jasaǵynyń qutqarýshylary tasqyn sýdyń ortasynan 60 bas jylqyny qaýipsiz jerge shyǵardy. Jylqynyń arasynda 10 qulyn bolǵan. Qylquıryqtynyń keıbiri batpaqqa batqan.

Bul jumysqa óńirlik departamenttiń 5 qutqarýshysy, 1 qaıyq, 1 tehnıka jumyldyryldy.

Eske sala ketelik, buǵan deıin Atyraýlyq qutqarýshylar tasqyn sýdyń ortasynan 270 jylqyny qaýipsiz jerge shyǵarǵanyn habarlaǵan bolatynbyz.

Sondaı-aq, keshe Atyraýda tasqyn sý 100 metrge jýyq bógetti shaıyp ketkenin jazǵan edik.

Al, búgin Jaıyq ózenindegi sý deńgeıi Mahambet aýdanynda 10 metrden tómen túskenin habarladyq.