Atyraý oblysynda sýda qalyp qoıǵan 65 jylqy qutqaryldy
Oqıǵa keshe, 5 mamyrda Atyraý oblysy Inder aýdanyna qarasty Esbol aýyly aýmaǵynda bolǵan.
Jaıyq ózenindegi mol sýdyń saldarynan aralda qalyp qoıǵan 65 jylqy qutqarylǵan.
«Oqıǵaǵa baılanysty habar túskennen keıin Qyzylorda oblystyq tótenshe jaǵdaılar departamentiniń qutqarýshylary dereý jetti. Sol aýmaqta bes úıir jylqynyń júrgeni anyqtaldy. Olardyń sany 65 basty quraıdy. Úrlemeli qaıyqtyń kómegimen bes qutarýshy jylqylardy qaýipsiz jaǵalaýǵa shyǵardy», — deıdi Qyzylorda oblysy TJD jedel qutqarý jasaǵynyń Súńgýirlik bólimsheniń jetekshisi Rolan Ábdihalyqov.
Departamenttiń málimetine súıensek, sý tasqyny bolǵan aımaqtarda qyzylordalyq 98 qutqarýshy táýlik boıyna qyzmet atqaryp keledi.
Búginge deıin olar Qostanaı, Aqtóbe, Batys Qazaqstan oblystarynda qutqarý jumystaryna belsene qatysty.