Atyraý oblysynda sheteldik júrgizýshiniń kóligi órtenip ketti
«Atyraýdan Aqtóbege qatynaıtyn joldyń Maqat aýdanynyń aýmaǵyndaǵy bóliginde kólik órtendi. Tótenshe jaǵdaılar departamentiniń qutqarýshylary órtengen kólikten úsh adamdy alyp shyqty. Olar – Ózbekstan Respýblıkasynyń azamattary. Qutqarylǵan sheteldikter jedel medıtsınalyq járdem brıgadasyna berildi», - delingen Tótenshe jaǵdaılar mınıstrliginiń aqparatynda.
Qazir qutqarýshylar kólik órtiniń shyǵý sebebin anyqtaýǵa kiristi.
Eske sala ketelik, budan buryn Atyraýlyq qutqarýshylar tútindegen páterden 8 aılyq sábıdi alyp shyqqanyn habarlaǵan bolatynbyz.
Atyraý qalasynyń Sultan Beıbarys dańǵylyndaǵy kópqabatty úıdiń 6-qabatyndaǵy páterdiń as bólmesi tútindegen. Páterdiń esigi qulyptaýly bolǵan. Sol sebepten, qutqarýshylar azamattyq qorǵaý serjanty B.Saıasatovtyń basqarýymen avtosatymen joǵaryǵa kóterildi. Terezeden kirgen qutqarýshynyń biri, azamattyq qorǵaý aǵa serjanty A.Qurmanııazov tútin basqan bólmeden 8 aılyq sábıdi qalyń kórpege orap, qaýpisiz aýmaqqa alyp shyqty.
Tútindegen páterde kishkentaı balaqaı jalǵyz bolǵan.