Atyraý oblysynda referendýmdy 263 táýelsiz baıqaýshy qadaǵalady

<p>ATYRAÝ. KAZINFORM &ndash; Atyraý oblysynda referendým ýchaskelerindegi daýys berý barysyn 263 táýelsiz baqylaýshy qadaǵalady.&nbsp;</p>

«Daýys» qoǵamdyq baıqaýshylar koalıtsııasy» respýblıkalyq qoǵamdyq birlestigi RQB Atyraý oblysy fılıalynyń jetekshisi Dáýren Seıitqalıevtiń aıtýynsha, táýelsiz baıqaýshylar quramyna qoǵamdyq uıym ókilderi, belsendi jastar, sarapshylar men qoǵam belsendileri engen. 
«Atyraý oblysynda referendýmda daýys berý barysyn táýelsiz baıqaýshylar baqylap otyrdy. Olardyń qatarynda «Daýys» qoǵamdyq birlestigi atynan qatysqan baıqaýshylar da bar. Baıqaýshylar saıası naýqandaǵy ashyqtyq pen daýys berý tártibiniń qatań saqtalýyna basa nazar aýdardy. Bizdiń baıqaýshylar keshki mezgilge deıin zańǵa qaıshy is-áreketti tirkegen joq. Baıqaýshynyń bári zańnama jáne halyqaralyq standarttarǵa saı keletin oqytý kýrstaryna qatysyp, saılaý, referendým sekildi sekildi saıası naýqan barysyn qadaǵalaý úderisin meńgerdi», - deıdi Dáýren Seıitqalıev.

Eske sala ketelik, buǵan deıin «Teńiz» ken ornynda 10 myń jumysshy 7 pýnktte óz tańdaýyn jasaǵanyn jazǵan bolatynbyz.

Sondaı-aq, Atyraý oblysynda 104 jastaǵy áje úıinde daýys bergenin habarlaǵan edik.

Al, aýyldaǵy mekteptiń 11-synyp oqýshysy referendýmda alǵash ret daýys berdi.