Atyraý oblysynda referendým kúni múgedekter úshin 90 ınvataksı bólinedi

<p>ATYRAÝ. KAZINFORM &ndash; Atyraý oblysynda referendým kúni 54 eldi mekendegi múmkindigi shekteýli jandarǵa 90 ınvataksı qyzmet kórsetedi.</p>

Atyraý oblystyq aýmaqtyq saılaý komıssııasynyń tóraǵasy Azamat Aımanakýmovtyń málimetinshe, respýblıkalyq referendýmda 274 referendým ýchaskesi jumys isteıdi. 

«Referendým ýchaskelerine daýys berýge 4500-den astam múmkindigi shekteýli jan keledi. Olar úshin ýchaskelerde monıtorly kompıýterge beıimdelgen formatta aqparattar, qulaqaspaptar, braıl qarpinde oryndalǵan saılaý týraly aqparat, qosymsha jaryqtandyrý jáne ulǵaıtqyshtar qoıylady. Atyraý oblysynda referendým ótetin kúni 54 eldi mekenge 90 ınvataksı bólinedi. Bul kúni 17 sýrdoaýdarmashynyń qyzmetin paıdalaný josparlanyp otyr», - deıdi Azamat Aımanakýmov. 

Eske sala ketelik, budan buryn Atyraý oblysynda referendýmǵa qatysýǵa quqyǵy bar 391 937 azamat tirkelgenin habarlaǵan bolatynbyz.