Atyraý oblysynda múmkindigi shekteýli 273 adam turaqty jumysqa ornalasty

<p>Atyraý oblysynda jyl basynan beri jumyspen qamtý ortalyqtaryna múmkindigi shektelgen, biraq, jumys isteýge qabiletti 1 182 adam júgingen, dep habarlaıdy Kazinform.</p>

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń baspasóz qyzmetinen málim etkendeı, bıyl múmkindigi shekteýli 1 019 adamǵa áleýmettik qoldaý kórsetilgen.

«Basqarmaǵa júgingen múmkindigi shekteýli jandardyń arasynan 273 adam turaqty jumysqa ornalasty. Onyń 77-si kvotamen qamtyldy. Al, aqyly qoǵamdyq jumysqa 328 adam tartyldy. Áleýmettik jumys ornyna 17 adam, jastar tájirıbesine 35 túlek jiberildi. «Alǵashqy jumys orny» jobasyna 7, «Kúmis jas» jobasy sheńberinde jasy 50-den asqan 18 adam jumysqa ornalastyryldy. «Bastaý-Bıznes» jobasymen kásipkerlik negizderi kýrsynan múgedektigi bar 289 adam ótti», -dep habarlady basqarmanyń baspasóz qyzmeti.

Sondaı-aq, «Teńizshevroıl» kompanııasynyń oqý kýrsyna 4, arnaıy jumys ornyna 7 adam jiberilgen. Al, 41 adamǵa 400 aılyq eseptik kórsetkish kóleminde memlekettik grant berilgen. Múmkindigi shektelgen 7 adamnyń jumys orny arnaıy qural-jabdyqtarmen qamtamasyz etilgen.

Eske sala ketelik, buǵan deıin Atyraý oblysynda 10 myńnan astam jumyssyz jumysqa ornalasqanyn habarlaǵan edik.