Atyraý oblysynda mektepti kúzetý úshin 48 mln teńge usynylǵan

<p>ATYRAÝ. KAZINFORM &mdash; Atyraý oblysyndaǵy orta mektepti kúzetý úshin tólenetin baǵa 48 mln teńgeni quraǵan. Jergilikti eriktiler usynylǵan baǵanyń 12 esege negizsiz kóterilgenin anyqtady.</p>

Sybaılas jemqorlyqqa qarsy is-qımyl agenttigi Atyraý oblystyq departamentiniń baspasóz qyzmetinen málim etkendeı, bul derek Qyzylqoǵa aýdanynda tirkelgen.

«Qyzylqoǵa aýdandyq bilim bóliminiń №9 orta mektebi 48 mln teńgege kúzet qyzmetin satyp alýdy josparlaǵan. Al, oblysta bilim berý ǵımarattaryn kúzetý qyzmetiniń ortasha baǵasy 3-4 mln teńgeni quraıdy. Bul derek sybaılas jemqorlyqqa qarsy volonterler memlekettik satyp alý portalyndaǵy konkýrstyq usynysqa júrgizilgen monıtorıngi kezinde anyqtaldy. Osydan keıin qyzmet baǵasy 12 esege tómendetilip, 3,5 mln teńgege satyp alyndy. Bıýdjettiń 44,5 mln teńgesi keri qaıtaryldy», -dep habarlady departamenttiń baspasóz qyzmeti.

Atyraý oblystyq departamenti tarapynan jergilikti atqarýshy organǵa bıýdjet qarajatynyń negizsiz jumsalýyna jol bermeý jóninde usynys berildi.

Eske sala ketelik, buǵan deıin Atyraýda 7 jyldan beri salynbaı turǵan mádenıet úıiniń qurylysy qaıta jandanatynyn habarlaǵan bolatynbyz.