Atyraý oblysynda Qulsarydan Dossorǵa deıingi joldyń bir bóligin sý basty

<p>ATYRAÝ. KAZINFORM &ndash; Jylyoı aýdanynyń ortalyǵy &ndash; Qulsary qalasynan Atyraýǵa qatynaıtyn joldyń Dossor kentine deıingi bóligi jabyldy.&nbsp;</p>

Atyraý oblystyq polıtsııa departamentiniń baspasóz qyzmetinen málim etkendeı, Qulsarydan Dossorǵa deıingi jol aralyǵynda kólik qozǵalysy toqtatylǵan.

«Atyraý oblysynyń aýmaǵyndaǵy respýblıkalyq mańyzy bar Dossor-Qulsary-Beıneý tasjolynyń 103 shaqyrymynyń mańyn sý basty. Bul – Qulsary qalasynan 20 shaqyrymdaǵy tus. Sol sebepten, Jylyoı aýdanynyń ortalyǵy – Qulsary qalasynan MAqat aýdanyndaǵy Dossor kenti aralyǵyndaǵy jolda kólik qozǵalysy tolyqtaı toqtatyldy. Jol qalypqa kelgenge deıin bul baǵytta jolǵa shyqpaý qajet», - dep habarlady departamenttiń baspasóz qyzmeti. 

Kólik qozǵalysy toqtatylǵan jol bóliginde patrýldik polıtsııa qyzmetkerleri túsindirip júr. 

Eske sala ketelik, budan buryn Jylyoı aýdanynda Jem ózeniniń sýy 2 metr 53 sm-ge kóterilgenin jazǵan edik. 

Qulsary qalasyndaǵy kópir ýaqytsha jabyldy. Sondaı-aq Atyraý oblysynyń taǵy bir aýdanynda tótenshe jaǵdaı jarııalanǵan  edi.