Atyraý oblysynda qańtarda órttiń saldarynan tórt adam qaza boldy

<p>ATYRAÝ. KAZINFORM &mdash; Atyraý oblysynda qańtar aıynda 25 órt oqıǵasy tirkeldi. Jalynnyń saldarynan 1 adam zardap shegip, 4 adam qaıtys bolǵan. Bir adam kómirqyshqyl gazyna ýlanyp qalǵan.</p>

Atyraý oblystyq tótenshe jaǵdaılar departamenti memlekettik órt baqylaý basqarmasynyń basshysy Narıman Óteshovtiń málimetine súıensek, 14 órt turǵyn úılerde bolǵan. Sondaı-aq, 11 avtokólikti jalyn sharpyǵan.

«Órttiń birneshe sebebi anyqtaldy. Birinshiden, elektr aspaptaryn montajdaý jáne tehnıkalyq paıdalaný erejelerin buzýmen baılanysty bolyp otyr. Ekinshiden, ot jaǵý kezindegi abaısyzdyqtyń da áseri bar. Úshinshiden, peshterdi paıdalaný kezinde órt qaýipsizdigi saqtalmaıdy. Mundaı talap ásirese, elektr qurylǵylaryn paıdalaný kezinde jıi buzylady. Tórtinshiden, balalardyń otpen oınaýy da jalynnyń tutanýyna sebep bolyp otyr», -deıdi Narıman Óteshov.

Onyń deregine qaraǵanda, byltyr tirkelgen 266 órtten kelgen materıaldyq shyǵyn 75 mln 897 myń teńgeni quraǵan. Al, bıyl múlik ıelerinen materıaldyq shyǵyndy óteý týraly aryz túspegen.

«Ótken jyly 147 turǵyn úı, 75 avtokólik órtendi. Alaıda aldyńǵy jylmen salystyrǵanda, turǵyn úı sektoryndaǵy órt 14%-ǵa, avtokólikti sharpyǵan jalyn 16%-ǵa azaıdy. Órttiń aldyn alý úshin turǵyn úılerge 320 tútin datchıgi qondyryldy. Endi turǵyn úılerge 58 gaz taldaǵysh qondyrǵysyn ornatý josparlanyp otyr», - dedi Narıman Óteshov.

Eske sala ketelik, buǵan deıin Atyraýda turǵyn úıde gaz jarylyp, 5 adamdy kúıik shalǵanyn jazǵan bolatynbyz.

Bir kúnnen soń kúıik shalǵan er adam qaıtys boldy​​​​​​​. Keıin ekinshi adam aýrýhanada qaıtys bolǵanyn habarlaǵan edik.

Budan soń kúıip qalǵan úsh aılyq sábı aýrýhanada kóz jumdy.

Qazir órtte kúıip qalǵan áıel men 3 jasar bala aýrýhanynyń jansaqtaý bóliminde jatyr. Olardyń jaǵdaıy áli de aýyr kúıde qalyp otyr.