Atyraý oblysynda kámeletke tolmaǵan jasóspirim sýıtsıd jasaǵan

<p>ATYRAÝ. KAZINFORM &mdash; Atyraý oblysynda kámeletke tolmaǵandar quqyǵyn qorǵaıtyn 11 komıssııa bar. Byltyr bul komıssııalarda 1 624 másele qaralǵan. Atyraý oblysynyń ákimi Serik Shápkenovtiń tóraǵalyǵymen arnaıy komıssııada kámelet jasyna tolmaǵan balalardyń isi men quqyǵyn qorǵaý máselesi talqylandy. Oblystyq bilim basqarmasynyń basshysy Erlan Slambekovtiń aıtýynsha, jasóspirimderdiń sabaqtan tys kezde quqyq buzýshylyq jasaıtyny anyqtalyp otyr.</p>

«Bıyl Jylyoı aýdanynda kámelet jasyna tolmaǵandar arasynda bir sýıtsıd pen 2 quqyq buzýshylyq tirkeldi. Osyǵan baılanysty basqarma mamandarynyń atalǵan aýdandaǵy № 8, 9 jáne 18 orta mekteptegi tárbıe jumysyn zerdeleýi kezinde birqatar kemshilik anyqtaldy. Bilim ordalarynda normatıvtik-quqyqtyq qujattamalar talapqa saı jasaqtamaǵan. Synyp jetekshileriniń, psıhologtar men áleýmettik pedagogterdiń, tálimgerlerdiń kámeletke tolmaǵandardyń quqyǵyn qorǵaýǵa baılanysty bir de bir otyrys josparlanbaǵan. Jasóspirimderdiń quqyǵyn qorǵaý jáne quqyq buzýshylyqtyń aldyn alý jumystarynyń monıtorıngisi shyǵarylmaǵan. Ótken eki oqý toqsanynda quqyq buzýshylyqtyń aldyn alý boıynsha bir de bir synyp saǵaty ótpegen», -deıdi Erlan Slambekov.

Oblystyq polıtsııa departamenti bastyǵynyń birinshi orynbasary Ábdiǵanı Seıdýalıevtiń málimetinshe, jyl basynan beri jasóspirimderdiń qatysýymen jasalǵan qylmys sany 6,4%-ǵa tómendegen.

Al, qylmystyń basym bóligin 18 jasqa tolmaǵan jasóspirimder jasaǵan. 

Eske sala ketelik, budan buryn Qulsary qalasyndaǵy jappaı tóbeleste jaraqat alǵan bir jasóspirim kóz jumǵanyn jazǵan bolatynbyz.