Atyraý oblysynda ıtti órtegen jigit qamaýǵa alyndy

<p>ATYRAÝ. KAZINFORM &ndash; Atyraý oblysynda er adam ıtti órtep jibergen. Qazir kúdikti ustalyp, qamaýǵa alyndy.</p>

Atyraý oblystyq Polıtsııa departamentiniń baspasóz qyzmetinen málim etkendeı, oqıǵa keshe, 19 maýsymda túngi saǵat 23:30 shamasynda bolǵan.

«Qyzylqoǵa aýdanyndaǵy Muqyr aýylyna jaqyn mańda ıtti qatygezdikpen óltirgen kúdikti ustaldy. Itti órtegen 2003 jylǵy jigitke qatysty qylmystyq is qozǵalyp, tergeý júrgizý bastaldy. Kúdikti ýaqytsha ustaý ızolıatoryna qamaýǵa alyndy», - dep habarlady departamenttiń baspasóz qyzmeti.

Onyń qasynda 2007 jylǵy jasóspirim bolǵan. Ózge aqparat tergeý múddesine sáıkes jarııalaýǵa jatpaıdy.

Eske sala ketelik, budan buryn Atyraýda 56 jastaǵy er adamnyń ólimine sebepshi bolǵan kúdikti buryn da qylmys jasaǵanyn habarlaǵan bolatynbyz.