Atyraý oblysynda ejelgi qorǵannan altynnan jasalǵan áshekeıler tabyldy

<p>Atyraý oblysynda ejelgi qorǵannan altynnan jasalǵan áshekeı buıymdary, keramıkalyq ydystar, qanjar men jebe ushtary tabyldy. Arheologııalyq qazba jumysyn oblystyq tarıhı-ólketaný mýzeıiniń ekspedıtsııalyq toby júrgizgen, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Mýzeı dırektory Muhambetqalı Kıpıevtiń aıtýynsha, ekspedıtsııa músheleri Qyzylqoǵa aýdanyndaǵy «Qaraqudyq-1», «Qaraduqyq-2» qorǵandaryna qazba jumysyn júrgizip, qundy jádigerler tapqan. 

Foto: Atyraý oblystyq tarıhı-ólketaný mýzeıi

«Qarabaý aýylynan 8 shaqyrym jerde ornalasqan qos qorǵanda erte temir dáýirine jatatyn jerleý orny bar ekeni anyqtaldy. Tonalmaǵan qosymsha jerleý oryndarynan eki áıel men bir er adamnyń múrdesi tabyldy. Jerleý oryndary bizdiń zamanymyzǵa deıingi V ǵasyrǵa sáıkes keledi. Óıtkeni bir múrdeniń janynan 3 altyn bilezik, 2 altyn saqına men syrǵa, kúmis alqa jáne jebe, al ekinshisiniń qasynan bal ashýǵa qajetti zattar men qurban shalýǵa arnalǵan qurbandyq tasy shyqty. Al shamamen 2,5 myń jyl buryn ómir súrgen er adam jerlengen qabirden qanjar, naıza, qaıraq, er toqymnyń tireýishi, 100-ge jýyq jebe men synǵan qazannyń qaldyǵy tabylyp otyr», - deıdi Muhambetqalı Kıpıev.

Onyń aıtýynsha, mýzeı ekspedıtsııasy aldaǵy ýaqytta Qyzylqoǵa aýdanyndaǵy Qarabaý qorǵanyna arheologııalyq zertteý jumystaryn júrgizedi. 

Foto: Atyraý oblystyq tarıhı-ólketaný mýzeıi

«Atyraý oblystyq tarıhı-ólketaný mýzeıi bıyl naýryz aıynda jańa lıtsenzııaǵa ıe boldy. Ádette ejelgi deni altyn izdeýshiler men taıpalardyń áserinen tonalady. «Qaraqudyq-1» qorǵanynda da oıys boldy. Qazba jumystary kezinde qorǵannan shashylǵan bas-súıekter men altyn áshekeıler tabyldy. Adamnyń bas súıekteri búgingi kúnge deıin jetkenimen, saqtalýy óte nashar. Bulardyń barlyǵy aldyn ala zertteý jumystaryna qaraǵanda, bizdiń eramyzǵa deıingi V ǵasyrdy qamtıdy, - dedi Muhambetqalı Kıpıev. 

Foto: Atyraý oblystyq tarıhı-ólketaný mýzeıi

Eske sala ketelik, budan buryn Saraıshyq qalashyǵynyń ornynan noǵaı-qazaq kezeńindegi monsha tabylǵanyn jazǵan edik.