Atyraý oblysynda erli-zaıypty jol apatynan mert boldy

<p>ATYRAÝ. KAZINFORM &ndash; Atyraý oblysynda eki kólik soqtyǵysyp, saldarynan 2 adam mert boldy.</p>

Atyraý oblystyq Polıtsııa departamentiniń baspasóz qyzmetinen málim etkendeı, jol kólik oqıǵasy keshe, 12 maýsym kúni bolǵan.

«Kúndizgi saǵat 14:50 shamasynda Atyraý-Aqtóbe tas jolynyń 454-shaqyrymy tusynda eki kólik soqtyǵysty. Jol apatyna ushyraǵan kóliktiń biri – Kia Rio, ekinshisi – DAF júk kóligi. Jol-kólik oqıǵasynyń saldarynan Kia Rio avtokóliginiń eki jolaýshysy oqıǵa ornynda qaza tapty», - dep habarlady departamenttiń baspasóz qyzmetinen.

Belgili bolǵandaı, atalǵan jol apatynan erli-zaıypty kóz jumǵan. Jol apatyna aılanysty polıtsııa qyzmetkerleri jol-kólik oqıǵasyna baılanysty tıisti is qujattaryn jınaqtaýǵa kiristi.

«Mundaı jol-kólik oqıǵasynyń basty sebebi arnaıy erejeni saqtamaýdan týyndaıdy. Atalǵan jol-kólik oqıǵasy týraly aıtatyn bolsaq, Kia Rio avtokóliginiń júrgizýshisi sońǵy 1 jyl ishinde 4 ret jyldamdyqty asyryp, jol erejesin buzǵany anyqtaldy. Osyndaı sebepke baılanysty kólik júrgizýshilerinen jol erejesin qatań saqtaýdy suraımyz», - dep málim etti departamenttiń baspasóz qyzmetinen.

Eske sala ketelik, buǵan deıin Atyraýda jol apatynan bir adam oqıǵa ornynda, júrgizýshi jedel járdem kóliginde kóz jumǵanyn jazǵan bolatynbyz.