Atyraý oblysynda eki kólik soqtyǵysyp, júrgizýshi men eki jolaýshy mert boldy

<p>Atyraý oblysynda jeńil jáne júk kóligi soqtyǵysty. Jol apatynyń saldarynan jeńil kóliktiń júrgizýshi men eki jolaýshysy mert boldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Atyraý oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy 30 qarashada bolǵan.

«Jergilikti ýaqytpen túngi saǵat 22:45 shamasynda Aqtóbe-Atyraý-Reseı Federatsııasynyń shekarasy tas jolynyń 424-shaqyrymynda eki kólik soqtyǵysty. Onyń biri – 1966 jylǵy júrgizýshi aıdap kele jatqan VAZ – 2114 avtokóligi. Al, ekinshisi – Iveco júk kóligi. Bul kóliktiń rýlinde 1991 jylǵy azamat bolǵan. Jol-kólik oqıǵasynyń saldarynan jeńil kóliktiń júrgizýshisi men eki jolaýshysy oqıǵa ornynda qaza tapty», -dep habarlady departamenttiń baspasóz qyzmeti.

Polıtsııa qyzmetkerleri jol-kólik oqıǵasynyń sebebin anyqtaýǵa kiristi. Qazir tıisti is-qujattary jınaqtalyp jatyr.

Foto: Atyraý oblysynyń Polıtsııa departamenti

Eske sala ketelik, budan buryn Atyraýda mas sheteldiktiń kesirinen tórt kólik soqtyǵysqanyn habarlaǵan bolatynbyz.

Atyraý-Dossor baǵytyndaǵy tas joldyń «Shyǵys» bazary tusynda tórt avtokólik soqtyǵysty. Jol-kólik kólik oqıǵasynyń saldarynan Toyota Camry jáne Chevrolet Lacetti markaly avtokólikterdiń jolaýshylary túrli dene jaraqatyn aldy. Zardap shekken jolaýshylar oblystyq aýrýhanaǵa jetkizildi.

Polıtsııa qyzmetkerleri Toyota Ipsum kóligin aıdaǵan Ózbekstan Respýblıkasynyń azamaty mas kúıde bolǵanyn anyqtady. Sheteldik júrgizýshiniń alkogoldik ishimdik ishkeni medıtsınalyq saraptama qorytyndysymen dáleldengen.