Atyraý oblysynda eki aýyldyń arasyndaǵy jol jyrylyp, qatynas ýaqytsha toqtady

<p>ATYRAÝ. KAZINFORM &ndash; Atyraý oblysynyń Mahambet aýdanynda eki aýyldyń arasyndaǵy jol jyrylyp, qatynas ýaqytsha toqtady. Buǵan Jaıyq ózenindegi sý deńgeıiniń kóterilgeni sebep bolyp otyr.&nbsp;</p>

Atyraý oblysy jedel shtabynyń málimetine súıensek, Mahambet jáne Sarytoǵaı aýyly aralyǵyn jalǵaıtyn jol jyrylǵan.

«Mahambet aýdandyq tótenshe jaǵdaı jónindegi shtabtyń sheshimimen sý deńgeıin azaıtý maqsatynda Mahambet pen Sarytoǵaı aýyly ortasyndaǵy jol jyrylyp, qatynas ýaqytsha toqtatýǵa sheshim qabyldandy. Arnaıy tehnıkalardyń kómegimen aýylaralyq jol buzylyp, uzyndyǵy 11 metr, eni 1,5 metrlik 2 dana qubyr turbasyn salý jumystary júrgizildi. Osyǵan baılanysty, jol qatynasy ýaqytsha toqtatylyp, aýyl turǵyndaryna jaǵdaı tolyqtaı túsindirildi», - deıdi Mahambet aýdanynyń ákimi Qaırat Nurlybaev. 

Onyń aıtýynsha, eki aýyldyń arasyndaǵy joldyń uzyndyǵy – 5 shaqyrym. Mahambet jáne Sarytoǵaı aýyldarynda 12 924 adam turady.

Eske sala ketelik, budan buryn Jaıyq ózenindegi sý deńgeıi Atyraýdaǵy Inderborda – 10, Mahambette 9 metrden asqanyn jazǵan edik. 

Sondaı-aq Atyraý oblysynda Jaıyq jaıylmasyndaǵy qystaqtyń 30 turǵyny evakýatsııalanatynyn habarladyq.