Atyraý oblysynda bir jylda 65 esirtki qylmysy tirkelgen

<p>Byltyr Atyraý oblysynda esirtki qylmysymen baılanysty 65 derek anyqtalǵan. Zańsyz aınalymnan 14 myńǵa jýyq dozasy bar 4 keliden astam sıntetıkalyq esirtki tárkilengen, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Atyraý oblystyq polıtsııa departamenti baspasóz qyzmetiniń aqparatyna qaraǵanda, ótken jyly esirtki qylmysyna qatysty 127 quqyq buzýshylyq anyqtalǵan.

«Oblys aýmaǵynda esirtki qylmysymen kúresti kúsheıtý maqsatynda birqatar is-sharalar qabyldandy. Ótken jyly esirtkimen baılanysty 127 quqyq buzýshylyq tirkeldi. Polıtsııa qyzmetkerleri 65 esirtki qylmysyn anyqtady. Zańsyz aınalymnan 14 dozaǵa jýyq 4 keliden astam sıntetıkalyq esirtki tárkilendi» dep habarlady departamenttiń baspasóz qyzmeti.

Sondaı-aq, profılaktıkalyq is-sharalarǵa nazar aýdarylǵan. Ásirese, jastar arasynda esirtkige qarsy ımmýnıtetti qalyptastyrý, nashaqorlyqtyń aldyn alý kózdelgen.

«Jastardyń esirtkiniń zańsyz aınalymymen baılanysty qylmystardyń qurbany bolmaýyna mán berildi. Osy maqsatta jastar men jasóspirimder arasynda salamatty ómir saltyn nasıhattaǵan 671 is-shara ótkizildi. Esirtki jáne psıhotroptyq zattardyń taralýyna qatysty aqparatty qamtıtyn kontenti bar 108 saıt pen basqa resýrstar buǵattaldy» dep málim etti departamenttiń baspasóz qyzmetinen.

Eske sala ketelik, buǵan deıin BQO turǵyny 600 doza esirtkimen ustalǵanyn jazǵan edik.