Atyraý oblysynda 8 aıda 10 913 sábı dúnıege kelgen

<p>Atyraý oblysynda jyl basynan bergi segiz aıda 10 913 bala dúnıege kelgen. Onyń ishinde 9 052 náreste Atyraý qalasynda turatyn otbasylarda tirkeýge alynǵan, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Óńirlik kommýnıkatsııalar qyzmetiniń málimetine súıensek, ótken jyly Atyraý oblysynda 11 myń 133 sábıdiń ómirge kelgeni tirkelgen.

«Bıyl týǵan balalardyń deni Atyraý qalasynda tirkelip otyr. Munaıly shaharda 9 052 náreste dúnıe esigin ashqan. Al, 1 014 sábı Jylyoı aýdanynda ómirge kelgen. Budan keıingi orynda Qurmanǵazy aýdany tur. Munda 324 jas náreste tirkelgen. Maqat aýdanynda 165, Inderde – 163, Qyzylqoǵada – 89, Mahambette – 68, Isataı aýdanynda 38 sábıdiń ómirge kelgeni tirkeýge alyndy», -dep habarlady óńirlik kommýnıkatsııalar qyzmeti.

Eske sala ketelik, buǵan deıin Atyraýda «Ańsaǵan sábı» baǵdarlamasymen 503 gramm salmaqpen sábı ómirge kelgenin https://kaz.inform.kz/news/ansagan-sabi-atirauda-omrge-kelgen-sabidn-salmagi-503-gramm-ebed0f/ jazǵan bolatynbyz.

Bes aı buryn eń jeńil salmaqtaǵy sábı otbasynyń tuńǵyshy eken. Ómirge kelgen kezdegi salmaǵy – 503 gramm, al, boıy 28 santımetr bolǵan.

«Mundaı jeńil salmaqtaǵy sábı shala týǵandar sanatyna jatady. Oblystyq perınataldyq ortalyqtyń dárigerleri bes aıdan beri sábıge qarqyndy em-dom júrgizdi. Osy kezge deıin onyń salmaǵy 2 keli 500 gramǵa jetti. Jaqynda odan ári em-dom sharalaryn jalǵastyrý úshin Atyraý oblystyq balalar aýrýhanasyna aýystyryldy. Óıtkeni, onyń ókpesi kishkentaı bolǵandyqtan, áli de SRAR tútikshesiz apparatymen ottegi berý qajet», - dep habarlady perınataldyq ortalyqtyń baspasóz qyzmeti.