Atyraý oblysynda 7 aıda 2247 adam qyzylsha juqtyrǵan

<p>ATYRAÝ. KAZINFORM &ndash; Atyraý oblysynda 7 aıda 2247 adamnyń qyzylsha juqtyrǵany anyqtalǵan. Bul byltyrǵy kórsetkishten 9,5 esege artqan.&nbsp;</p>

Atyraý oblystyq sanıtarııalyq-epıdemıologııalyq baqylaý departamenti basshysynyń orynbasary Altyngúl Aımuratovanyń aıtýynsha, bıyl 7 aıda qyzylsha juqtyrýdyń 2247 jaǵdaıy anyqtalǵan.

«Jyl basynan beri qyzylshany juqtyrǵandardyń 85 paıyzy – 14 jasqa deıingi jasóspirimder. Qyzylsha ınfektsııasynyń aldyn alýǵa baǵyttalǵan kúrestiń jalǵyz jáne tıimdi sharasy – vaktsına saldyrý. Oblysta balalarǵa qyzylshaǵa, qyzamyq jáne epıdemııalyq parotıtke qarsy biriktirilgen vaktsına egý kózdelip otyr. Bul vaktsına dúnıejúzilik densaýlyq saqtaý uıymymen sertıfıkattalǵan. Mundaı vaktsınany alý tıimdi jáne qaýipsiz bolady. Elimizde qyzylshaǵa qarsy vaktsınalaý ulttyq egý kúntizbesine sáıkes 1 jastan 6 jasqa deıin júrgiziledi», - deıdi Altyngúl Aımuratova.

Onyń pikirinshe, týa bitken ımmýnıtet balalarǵa berilmeıdi. Sol sebepten, balalar juqpaly aýrýdy juqtyrýy múmkin. Jyl basynan beri 27 090 adam qyzylshaǵa qarsy vaktsına alǵan.

Eske sala ketelik, buǵan deıin Atyraý oblysynda 1 jylda 24 áıel jatyr moıny obyrynan qaıtys bolǵanyn jazǵan edik.